Smá blogg....;)

Kæru vinir.

Ég er með þessu bloggi mínu að láta vita af mér. Það er búið að rigna yfir mig tölvupóstar hvort ég sé á lífi eða erlendis eða hvað...  Mín hefur greinilega verið SAKNAÐ...en nei nei ég er bara búin að hafa það ógó gott hér heima,  kallinn kom af sjónum á fimmtudaginn og er í fríi núna.  En svona smá brot af því hvað á daga mína hafa drifið....að þá á föstudaginn að þá kúrðum við bara uppí sófa og góndum á imbann...á laugardaginn fórum við upp í Perlu og ætluðum BARA að skoða úrvalið af DVD og CD diskum...eeeeen neiiii....við fórum út með troðfullann poka, já við keyptum fyrir 25.000 kr takk fyrir.  Svo var ég og ein vinkona mín búnar að tala um að hittast um kvöldið en af vissum ástæðum að þá gat ég ekki farið. EEEEn...svo seinna um kvöldið að þá fylltist allt af óvæntum gestum hjá mér jammm það komu tvær vinkonur mínar og vinir... þannig að ég varð að fara úr náttfötum í eitthvað annað og betra og það var æðislega gaman hjá okkur, mikið skrafað og hlegið.   Nú svo á sunnudaginn var ég frekar framlág bara dauð-þreytt eftir nóttina.  Gerði bara ekki neitt. Þannig var mánudagurinn líka hreint út sagt ein leti. Svo í dag er búið að vera nokkuð að gera, fékk gesti og svo kom maður frá símanum þar sem ég var að skipta út lyklinum og fá HDMI lykil. Nú og svo var ég með gesti í mat í kvöld eldaði góða steik sem breggst aldrei hjá mér   þó ég segi sjálf frá. hehehe....smá sjálfsálit í gangi hérna..hehe..
En ætli ég láti þetta ekki duga í bili, þið vitið þá allavega að ég er á lífi og á landinu.
Skjáumstum sæta fólk. Munið að kommenta.

Kv Gunna.

Góð ávöxtun.....ekki satt???

Hæhæ kæru vinir.

Það má segja að rússar deyji ekki úr ráðaleysi.

Svo að mér....

Datt í hug að deila með ykkur einu af betri ráðum sem komið hafa fram í kreppuástandinu - kom frá Rússlandi.;
Persónulega, þá set ég alla mína peninga í vodka!  Hvar annarsstaðar getur maður fengið 40%?

Vona að þetta ráð gagnist einhverjum.

Skjáumst sæta fólk.

kv Gunna.

Daður og þreifingar....upprifjun....;)

Hæhæ kæru vinir.
Ég ætla að setja hér inn gamallt blogg sem ég bloggaði á eld-gömlu bloggsíðunni minni í fyrra þann 17 mai. Og þetta er í sambandi við það þegar núverandi rikisstjórn voru að stinga saman nefjum og samfylkingin var að daðra við  sjálfstæðismenn. Og heitir það blogg daður og þreifingar flokkana.

maí
17

Daður og þreifingar....;o)

Flokkana.....;o) 




 Í sambandi við þreifingar, káf og daður flokkana, það er spurning hvort sjálfstæðisflokkur og samfylking fari að kúra saman undir sömu sæng??hmmm...hugs hugs...veit ekki.. samfylkingar-daðrið náði greinilega að kveikja í sjálfstæðismönnum þannig að þeir skyldu við framsókn eftir 12 ára hjónaband hehehe... og eru  núna að daðra á móti við samfylkinguna, en nær þetta daður til að þau geti verið undir sömu sæng??? Eins og þau hata hvort annað..hmmm. .. verður þetta ekki bara mjög svo stormasamt hjónaband??? hehehe...
Þau verða allavega að gera góðan kaupmála til að allir geti verið sáttir og að þetta hjónaband geti orðið.hahaha...;o)
En þá er það spurning hvort það muni endast næstu 4 árin??? hmmm...hehehe..;o)

Jæja ætla að hætta þessu hjónasængs-pælingarbloggi, þetta kemur allt í ljós hvernig þetta fer. Og ég mátti til með að setja þetta upp í svona djók-formi....;o)


 ljósi þess hvernig komið er fyrir flokkunum núna.. ekkert nema ósamkomulag um hitt og þetta.
Kóngur og drottning ná ekki að komast að samkomulagi þau eru svo þrjósk bæði tvö, og svo ljúga þau upp opið geðið á okkur þegnunum og nota svo hirðfíflin til að gera slíkt hið sama.
Þannig að það er spurning hvort þetta hjónaband muni splúndrast á næstu vikum eða mánuðum.
Drottningin er að vísu í veikindafríi eftir aðgerð svo það dregst eitthvað.
Ég hef kallað þessa ríkisstjórn..... SS-STJÓRNINA....hef ekkert verið að flagga því neitt. Núna er það orðið opinbert.
En það kemur í ljós hvenær skylnaðarpappírarnir verða flaggaðir fyrir alþjóð og skrifað undir.
Ég hafði ekki mikla trú á þessu hjónabandi þeirra og efaðist um að þessi hjónasæng myndi endast út 4 árin. Enda eru komnir hnökrar í hana. Svona frekar léleg ending. En ef þau  halda þetta út að þá verður sængin orðin vel slitin og tætt held ég.

En ætli ég láti ekki þetta pár mitt duga í bili.
Skjáumstum sæta fólk og hafið það gott.
Muna að kommenta.
kv. Gunna.

Einn léttur og góður.....;)

Hæhæ kæru vinir, loksins kemur eitthvað hér frá mér.

Voruð þið nokkuð búin að sakna mín???

HVAÐ GERIR PABBI ÞINN ???

Nonni litli er í sjötta bekk grunnskóla.
Dag einn var samfélagsfræði og þá spurði kennarinn hvað feður þeirra störfuðu.
Börnin svöruðu eins og þeim er lagið: Pabbi minn er lögga, brunaliðsmaður, skrifstofumaður, vinnur í verslun og svo framvegis.
En kennarinn tók eftir því að Nonni litli var óvenju hljóður og lét lítið fara fyrir sér.
Hvað gerir svo pabbi þinn, spurði kennarinn Nonna litla.
Hann dansar nakinn fyrir framan karla á öllum aldri á veitingastað á kvöldin og á næturnar.
Svo græðir hann fullt á því að fara með þeim áhorfendum sem best bjóða út í portið á bak við veitingastaðinn þar sem hann dansar einkadans fyrir þá í nokkrar mínútur.
Kennarinn varð eðlilega mjög undrandi yfir svari Nonna litla og í miklu fáti skipaði hann hinum krökkunum að fara að lita, en Nonna litla tók hann afsíðis.
Er þetta alveg satt sem þú sagðir um hann pabba þinn … Dansinn og allt það?
Nei, nei, sagði Nonni litli feiminn.
Pabbi vinnur hjá Kaupþingi-Búnaðarbanka en ég þorði sko alls ekki að segja það fyrir framan hina krakkana. 
 
Hahahaha......þessi er sterkur.

Það er um að gera að reyna að vera léttur og hress og brosa við heiminum. Og svo er líka gott að taka smá pásu frá þessu krepputali, maður er eiginlega komin með upp í kok...eða ég allavega.

Vona að ég hafi fengið einhvern til að brosa....og það skemmir sko ekki ef ég gat fengið einhvern til að hlæja.

Það er toppurinn.

Eigið góðan dag og verið góð við hvort annað, og ekki gleyma að brosa það kostar ekkert.

Skjáumstum sæta fólk.

kv Gunna broshýra.

 

Erfiður og sorglegur dagur...:(

Hæhæ mínir kæru vinir.
Þessi dagur er bæði erfiður og sorglegur.
En pabbi heitin hefði átt afmæli í dag og hefði orðið 72 ára. En hann dó í febrúar í fyrra.
Blessuð sé minning hans. Ég sakna hans mikið.

En í morgun fékk ég hringingu sem ég átti von á að fá á hverjum degi síðan um helgina, ég hrökk við í hvert skipti sem síminn hringdi núna síðustu daga. En ég fékk þær fregnir í morgun að ein systir hennar mömmu dó í morgun eftir mikil og erfið og kvalafull veikindi.
Við vorum búin undir þetta um síðustu helgi þar sem þá var alveg útséð um að það var ekkert hægt að gera meira fyrir hana, lyfin voru hætt að virka.
 En frá því um helgina að þá fann ég á mér eða fékk að vita það án þess að mannvera segði mér það, að hún muni deyja þennann dag sem sagt í dag.
Já ég veit að ég er skrítin en samt engin norn allavega ekki vond norn.
 En ég vonaði samt svo innilega að það yrði ekki á þessum degi.
Þetta er önnur systir hennar mömmu sem deyr á þessum degi. Vona að það verði ekki fleiri dánar-fregnir í fjölskyldunni í bráð, það er komið nóg.
Þetta er önnur systirin sem deyr á þessu ári. Þannig að þær eru bara 10 sem eru eftir á lífi. Ætli ég láti þetta ekki gott heita í bili, nú er ég búin að fá að tjá mig.
Hafið það gott elsku bloggvinir.
 Skjáumstum.
Kv. Gunna.

Jóla hvað?????

Hæhæ kæru vinir....
Ég er búin að fá þetta sent á öll e-mailin mín og það fleirri en eitt og tvö.
Svo þessar myndir fara eins og eldur í sinu í netheiminum.
Doltið skondnar myndir sko.....


ÞETTA GETUR EKKI VERIÐ TILVILJUN..........EÐA HVAÐ???!!!





Mátti til að setja þetta hér inn.

Ég tek kannski smá bloggfrí næstu daga, vona að þið hafið það sem best.
Munið að kommenta.
Skjáumst sæta fólk.
Kv Gunna.

Já nú er það grænt.....;)

Hæhæ kæru vinir....
Hér ætla ég að koma með eitthvað á ljúfu nótunum...sem nefnist.....




 GRÆNT HJARTA TIL YKKAR .....MEÐ VON.





Það kemur að þeim tímapunkti í lífi þínu þegar þú áttar þig á því,
Hver skiptir þig máli
...og hver ekki.
Og líka, hver gerir það ekki lengur...
og hver mun aldrei gera það.
Og eins, hver mun ævinlega skipta öllu máli.
HAFÐU ÞVÍ EKKI ÁHYGGJUR AF FÓLKI ÚR FORTÍÐINNI.
Það er ástæða fyrir því að þau tilheyra ekki framtíð þinni.
Færðu hverjum þeim sem þú þekkir og vilt ekki glata, þetta hjarta,
þar á meðal mér....ef þér er annt um mig.
Reyndu að krækja í 12, það er ekki víst að það reynist auðvelt...
Vertu vingjarnlegri en þú átt að þér, því allir sem þú hittir eiga við sinn vanda að stríða....


Ég fékk þetta sent í pósti og fannst þetta svo fallegt að ég ákvað að deila því með ykkur svo að sem flestir geti lesið þetta.

Læt þetta duga í bili.
Skjáumstum sæta fólk og munið að kommenta.
Kv. Gunna.

Jæja já....;)

Hæhæ kæru vinir....
Jæja þar sem færslan um andlát krónunar féll ekki beint í góðan farveg hjá fólki, allavega voru ekki margir sem kommentuðu svona miða við heimsóknir en það bíttar engu. Kannski leggst þessi tilkynning betur í fólk...
En þessi seðill hrinur inn í tölvur landsmanna eins og enginn kreppa sé....Já sá eini sem er greinilega ekki í falli.... 
og ef hann væri gjaldgengur gjaldmiðill að þá væri bankabókin mín orðin vel feit...



Nýr seðill í umferð á Mánudag...





Og nýji bankinn heitir KGB......



P.S. Töpum ekki húmornum.....
Mátti til með að koma með einn svona, og ég á eitthvað til viðbótar sem ég ætla að setja hér inn bara svona til að fá fólk til að brosa og horfa á björtu hliðarnar á þessum erfiðu tímum, ekki veitir af.
Skjáumstum sæta fólk.
Bros, faðmlag og stórt KNÚSSSSS til ykkar allra esssgurnar.
Ekki gleyma að kommenta.
Kv Gunna.

Knúsvikan mikla....;D

Hæhæ kæru vinir...

Ég fékk þetta sent og vildi deila því með ykkur. Líka að hugga ykkur vegna bloggfærslunar á undan...að þá fannst mér alveg upplagt að knúsa ykkur.

KNÚSVIKAN MIKLA
13. - 20. október 2008

Hefur þú knúsað í dag ?

Knúsum okkur í gegnum ástandið.

 

Þegar staðan á íslandinu okkar er eins og hún er er afar mikilvægt að við stöndum öll saman, sýnum nærgætni, og látum ekki svartsýni og pirring ná tökum á okkur. Það þurfa allir að hugsa vel um sig, gæta þess að fá nægan svefn og velta sér ekki of mikið uppúr fréttum hvers dags (Gott að skammta sér ákveðið magn á dag) En það er ekki síður mikilvægara að við hugum að öðrum og séum vakandi yfir vinum, kunningjum, ættingjum okkar og samferðafólki, við þurfum að gefa okkur tíma til að hlusta og vera til staðar. Að mínu mati er eitt það mikilvægasta sem við getum gert er að knúsast, gott faðmlag er það sem að allir þurfa á að halda og sanniði til að þeir sem fá nóg af knúsi eru ríkir og eru tilbúnari fyrir lífið og verkefni dagsins.

Það að koma á þessari Knúsviku þar sem að hvatt er til einstaklings og hópknúss á hverjum degi í eina viku er framlag kærleiksvefsins vegna stöðunnar í landinu okkar. Látum knús ganga og hefjum nýja byrjun í okkar frábæra landi áfram Ísland og í lok vikunnar er það knúsaðasta land í heimi.

Bros og knús í hvert hús

Sendu þessa síðu á eins marga og þú getur og hjálpaðu til við að gera knúsvikuna að veruleika og að allir á íslandi fái mikið af knúsi þessa daga, það þurfa allir á því að halda núna - knús skiptir máli -  knúsumst.

 Júl.Júl     -  www.julli.is

 

Ég skora á alla að taka þátt.......

Fjölskylduhópknús á hverjum morgni
 
Einstaklings og hópknús á vinnustöðum


Knúsaðu börnin kvölds og morgna...ekki bara þessa viku


Knús fyrir svefninn og allir sofa betur


Ekki vera feyminn að knúsa...knús skiptir máli

Hefjum daginn í öllum fyrirtækjum með knúsi
 
Knús í alla skóla stóra sem smáa:
Nemendaknús - bekkjarknús - kennaraknús - knús í nesti -
knús sem heimaverkefni - húsvarðaknús - bókasafnsknús - viðurkenningaknús.

 
Knúsaðu maka þinn....oft....oft...og aftur.


Eldra fólk þarfnast oft meiri snertingar en aðrir og það er líka viðkvæmara fyrir stöðu mála og hefur áhyggjur af framtíð barnanna sinna. Í dag skaltu fara og heimsækja ömmu, afa, frænda , frænku eða einhvern eldri borgara sem þú þekkir og gefa honum knús. Eldri fólk á nóg af súkkulaði, það þarf bara hlýtt og gott faðmlag og eitthvað af tímanum ykkar.

Sendu knús til þeirra sem eru lengra í burtu......
SMS knús.....
Email knús......
Bloggknús.......
Hringdu og gefðu knús.....

Ef þú gefur af þér, þá færðu það til baka - gefðu knús

Knús kostar ekki neitt....en skilar góðum og öruggum arði

Ánægja með það sem menn hafa er mesti og varanlegasti auðurinn

Ef þú ert ekki ánægður með það  sem þú hefur, hví skyldir þú vera sælli með meira?

Ég sendi STÓRT KNÚS til ykkar allra elskurnar.

Skjáumst sæta fólk.

Munið að kommenta.

Kv. Gunna.

Jahá....

Jahá....mér barst þessi tilkynning og ákvað að láta hana berast áfram.

 


Hvað gerum við þá???

 

Við verðum að hafa húmorinn í lagi annars endum við eins og krónan....

Skjáumstum sæta fólk og munið að kommenta.
Og alls ekki að gleyma að brosa.

 Kv Gunna.