Ferðarlag um borgina á þeim gula...;)

Hæhæ kæru vinir..
Hvað syngur svo í ykkur?? Það er allt gott að frétta af mér, er reyndar löt eins og fyrri daginn en þó ekki í gær. 
Ég fór að láta laga á mér hárið og það alla leið upp í Grafarvog, jamm stofan mín er þar...  uuuuu......já eða þannig. 
Ég sem sagt fór heiman frá mér kl um 8 í gærmorgun og tók leið 1 úr Hf og fór úr vagninum hjá kringlunni og arkaði yfir á hina stoppistöðina til að taka leið 6 upp í Grafarv. upp í spöng, til að taka leið 31 sem að skila mér að Barðastaði. Var komin þangað kl 10.
 Og svo eftir klukkutíma hárföndur að þá lá mín leið aftur til baka og tók leið 32 upp í spöng og tók þar leið 6.
Nú þar sem að ég sat í vagninum og var á þessu ferðarlagi mínu út um alla borg að þá tók ég þá ákvörðun að taka smá krók og kíkja á móður mína og til þess að komast þangað að þá varð ég að taka leið 14 frá Grensás, þannig að leið 6 skila mér á miklubraut eeeeen...ég fór einni stoppustoð of fljótt úr vagninum Svo ég varð að labba töluverðan spotta upp á Grensás.
En ég hugsaði með mér jæja ok ég þarf hvort eð er að bíða í 30 mínútur eftir strætó og þá er bara gott mál að nota tímann og labba af mér spikið   og sem betur fer var gott veður bara sól og sæla. Og ég hafði bara gott af þessu. Fólk hefur verið hissa að ég keyri ekki, en það er af ýmsum ástæðum og ætla ekki að telja það upp hér.
 Ég er orðin svo vön þessum gula og þetta að taka 6 vagna í gær er bara ekki neitt miða við það að hér áður fyrr þegar ég var ung einstæð móðir með 6 ára gutta að þá tók ég 9 strætisvagna á dag já þá var ég að vinna á tveimur stöðum og þurfti á milli vinnanna minna að fara með soninn í skólann, en hann kom alltaf með mér í vinnuna á morgnana.
 Já ég tók fyrsta vagninn fyrir kl 7 á morgnana og þann síðasta milli kl 9 og 10 á kvöldin. Það er líka bara fínt að hafa svona einkabílstjóra og vera áhyggjulaus og njóta þess að skoða borgina og allar breytingarnar sem eru hér og þar og ég tala nú ekki um mannfólkið. 
En ég kom seint heim í gærkvöldi, var að hjálpa múttu minni aðeins og svo kom bróðir minn þangað og hann skutlaði mér heim. Ég sinnti mínum prinsi og prinsessu og henti mér svo upp í sófa og ætlaði að góna á eitthvað eeen....ég steinrotaðist   og svaf í alla nótt í sófanum. 
Jæja ætli þetta bull mitt sé ekki orðið nógu langt, allavega í bili. Ég þarf líka að hendast út í rok og rigningu til að fara í búð.
Skjáumstum sæta fólk, og munið að kommenta.
Kv. Gunna.

Þá er það prinsinn.....;))

Hæhæ kæru vinir...enn eitt sem ég var að ná í af gamla blogginu....

Og þar sem ég kom með miðlungssteiktu Dramadrottninguna í gær að þá var nú ekki annað hægt en að koma með hverskonar prinsum eða froskum ég fell fyrir...

Fellur fyrir frinsum (froskum)

Guðrún tók Dramadrottningar könnunina og fékk þessa niðurstöðu


Guðrún!
Þú fellur fyrir froskum.
Sé karlkynið flokkað í prinsa, froska, proska og frinsa leikur enginn vafi á hvaða manngerð/dýrategund þú fellur fyrir. Þú laðast að froskum eins og segull að stáli, fluga að mykjuhaug, minniháttar stjarna að ljósmyndara Séð og heyrt. (Hvers vegna að segja hlutina einu sinni þegar hægt er að segja þá þrisvar).

Froskar sýna sjaldan rómantíska tilhneigð og geta átt það til að vera ansi óhugulsamir. Láttu þér ekki bregða þótt froskurinn gleymi afmælisdeginum þínum, brúðkaupsdeginum eða jólagjöfinni. Þótt þú gengir með post-it miða á enninu sem á stæði "ég vildi að froskurinn minn myndi koma mér á óvart og kaupa handa mér blómvönd" stæði blómavasinn tómur á stofuborðinu um ókomna tíð.

Þeir sem hyggja á samband við frosk þrátt fyrir það geta endanlega kvatt sjónvarpsfjarstýringuna. Froskar deila henni ekki með neinum. Búðu þig undir löng kvöld yfir íþróttum og Jean-Claude van Damme. Búðu þig einnig undir dimm kvöld því ekki láta þig dreyma um að froskur skipti um ljósaperu.

Finnist þér skemmtilegt að tína skítuga sokka eftir aðra upp af gólfinu átt þú sannarlega samleið með frosknum. Þyki þér það hins vegar ekki hápunktur tilverunnar og þú gerist svo djörf að biðja froskinn að hirða sjálfan upp eftir sig sokkana máttu eiga von á að hann hækki í iPodinum sínum og láti sem hann heyri ekki í þér.

Fellur þú fyrir prinsum eða froskum?

Endilega taktu þátt og leyfðu mér að heyra.

Skjáumstum sæta fólk.

Kv Gunna.

Dramadrottning.....;)

 

 Hæ kæru vinir...ég fór inná eld gamla bloggið mitt og fann þetta þar..jamm ég tók þetta próf fyrir 2-3 árum síðan, og svo prufaði ég að taka það aftur núna og þá var ég VEL STEIKT DRAMADROTTNING en það er bara gaman að þessu.

Miðlungssteikt dramadrottning

Guðrún tók Dramadrottningar könnunina og fékk þessa niðurstöðu


Guðrún!
Þú ert miðlungssteikt dramadrottning.
Ef dramadrottningar væru hamborgarar sem fengjust "rare", "medium rare", "medium" og "well done" værir þú "medium". Miðlungssteiktar dramadrottningar eru konur meðalhófs. Þær eru skynsemisverur miklar, hafa sterka réttlætiskennd og vilja öllum vel. Í raun myndu flestar miðlungssteiktar dramadrottningar frekar vilja vera baunabuff en hamborgari því þá hefðu engin saklaus dýr þurft að líða fyrir samlíkinguna.

Miðlungssteiktar dramadrottningar hafa algera stjórn á dramatíska hluta heilans. Í raun verður sjaldan vart dramatískrar hegðunar hjá hinni miðlungssteiktu. Ekki einu sinni slæmur hárdagur getur raskað ró hennar.

Miðlungssteiktar dramadrottningar eru hæglátar, yfirvegaðar en fylgispakar. Þær eru trúar leiðtoga sínum sem er gjarnan léttsteikta dramadrottningin og fylgja henni oft í blindni. Þegar á reynir er hún hins vegar ekki tilbúin til að hvika frá sannfæringu sinni og á það til að vera samviska þeirrar léttsteiktu og halda henni á jörðinni.

Hversu mikil dramadrottning ert þú?

Endilega taktu prófið og segðu mér...hehehe...

Skjáumstum sæta fólk.

kv Gunna.

Einn ágætur hérna....;)

 

Hæhæ kæru vinir.

Hérna er einn ágætur brandari, bara svona upp á gamalt bros.

 

 

haha....

Einu sinni var góðhjörtuð stúlka, sem var svo ófríð, að hún þorði varla út
á götu nema að næturlagi. Hún hírðist með kettinum sínum í ósamþykktri
kjallaraíbúð við Hverfisgötuna, og grét örlög sín og vonsku heimsins.
Eina nóttina, þegar hún var á gangi meðfram Sæbrautinni, mætti hún þorski,
sem lá spriklandi og hjálparvana á göngustígnum. Nú var stúlkan bæði
góðhjörtuð og mátti ekkert aumt sjá sem og heiðarleg, og þar sem hún átti
engan kvóta, þá sá hún, að hún yrði að koma þorskinum aftur lifandi í
sjóinn. Hún klöngraðist með hann niður grjótgarðinn og lagði varlega í
vatnið.

Þá tók þorskurinn til máls: "Blúbb, blúbb, blúbb, þetta var nú fallegt af
þér, nú skal ég veita þér þrjár óskir."
Stúlkan var vel gefin og áttaði sig strax á tækifærunum, sem fólust í þessu
tilboði.
"Til að byrja með vil ég vera geðveikt falleg og vel vaxin."
"Blúbb, blúbb, blúbb," sagði fiskurinn og viti menn - stúlkan varð falleg
og
íturvaxin eins og ugga væri veifað.
"Svo vil ég að ósamþykkta kjallaraholan mín breytist í lúxus-penthás íbúð í
Skuggahverfi með útsýni allan hringinn.
"Blúbb, blúbb, blúbb," sagði þorskurinn, og glænýtt háhýsi reis upp í
brekkunni fyrir ofan, með samþykktri deiliskipulagsbreytingu og öllu
tilheyrandi.
"Að lokum vil ég að kötturinn minn breytist í fallegasta prins, sem nokkurn
tíma hefur verið til."
"Blúbb, blúbb, blúbb," sagði þorskurinn. "Farðu nú og líttu á nýja heimilið
þitt."

Stúlkan fór nú upp í nýja háhýsið, kom inn í nýju útsýnis-penthásíbúðina
sína og mætti þar prinsinum sínum. Þorskurinn hafði nú heldur betur staðið
sig vel! Ekki nóg með að þetta var glæsilegasti karlmaður, sem hún hafði
nokkru sinni séð, heldur var hann búinn að leggja á borð, opna dýrindis
vínflösku og bar nú fram ilmandi fiskrétt beint úr ofninum.
Að lokinni rómantískri máltíð með útsýni yfir sundin, bar prinsinn stúlkuna
inn í svefnherbergi og lagði hana á rúmið.
Hann lagðist svo við hliðina á henni og hún titraði af eftirvæntingu. En í
stað þess að byrja að láta vel að henni, hringaði hann sig, lokaði augunum
og virtist ætla að fara að sofa.
"Hvað er," hvíslaði stúlkan. "Ætlarðu ekki að..... Eigum við ekki að
......"
"... gera eitthvað ljúft og skemmtilegt?" sagði prinsinn. "Við hefðum sko
heldur betur getað gert það - ef þú hefðir ekki látið gelda mig í fyrra."

Fékk ég þig til að brosa?????

Skjáumstum sæta fólk

Kv. Gunna.

Góð saga...;)

NAGLASAGA

Það var einu sinni lítill drengur sem var afar geðvondur. Faðir hans gaf honum naglapakka og sagði honum að í hvert sinn sem hann missti stjórn á skapi sínu skyldi hann negla einn nagla í bakhlið grindverksins. Fyrsta daginn negldi drengurinn 37 nagla í grindverkið.

Næstu vikurnar lærði hann að hafa stjórn á reiði sinni og nöglunum fjölgaði dag frá degi. Hann uppgötvaði að það var auðveldara að hafa stjórn á skapi sínu en að negla alla þessa nagla í girðinguna. Loksins rann upp sá dagur að enginn nagli var negldur og drengurinn hafði lært að hafa stjórn á sér. Hann sagði föður sínum frá því sem lagði nú til að drengurinn drægi út einn nagla fyrir hvern þann dag sem hann hefði stjórn á skapi sínu. Dagarnir liðu og loks gat drengurinn sagt föður sínum að allir naglarnir væru horfnir.
Faðirinn leiddi son sinn að grindverkinu og sagði: "Þú hefur staðið þig með prýði en sjáðu öll götin á grindverkinu. Það verður aldrei aftur eins og það var áður. Þegar þú segir eitthvað í reiði, skilur það eftir sig ör alveg eins og naglarnir. Þú getur stungið mann með hnífi og dregið hnífinn aftur úr sárinu, en það er alveg sama hve oft þú biðst fyrirgefningar, örin eru þarna samt áfram. Ör sem orð skilja eftir sig geta verið jafnslæm og líkamleg ör." Faðirinn hélt áfram: "Vinir þínir eru sjaldgæfir eins og demantar. Þeir hlusta á þig, skiptast á skoðunum við þig og opna hjarta sitt fyrir þér. Sýndu hversu mikils þú metur þá."

Drengurinn tók þegar ráðleggingum föður síns og sendi til allra vina sinna eftirfarandi orðsendingu: "Þú ert vinur minn og það er mér mikill heiður. Viltu fyrirgefa mér ef ég hef skilið eftir göt á grindverkinu                                þínu."                                                                                                     

Eigið góða helgi og hafið það gott kæru vinir.

Skjáumstum.

kv Gunna.

Bullið í mér.....;)

Bara að minna á mig svo ég verð ekki gleymd...ég er enn í enhverju tómu tjóni enda ennþá kolvitlaust veður. Veit að veðrið á að vera svona á morgun líka... 

Það er búið að læðast að mér einhver hálsbólga og kvef, svo það er kannski ágætt að veðrið sé svona akkúrat á meðan...

En kæru vinir ég vona að þið hafið það sem best og laus við hálsbólgu og kvef.

Ég ætla að hætta þessu bulli, ég tala bara um tóma steypu.

Skjáumstum sæta fólk.

Kv Gunna.

Svo eitthvað tóm.....;(

Hæhæ kæru vinir.

Ég er svo andlaus og tóm eitthvað í dag  Ætli það sé veðrið sem hefur þessi áhrif á mig?? hmmm....já ég ætla að kenna veðrinu um þetta allt saman. Þannig að til að gera eitthvað að þá ætla ég að ráðast í heimilisverkin og henda mér svo upp í sófa með teppi og kettina tvo, og glápa bara á imbann og gef svo bara frat í veðrið.

En það versta við það að svona á þessi veðurtíð að vera alla vikuna....*HNUFF* En ég finn eitthvað spennó að gera í vikunni, ég á t.d. tvær myndir sem bíða alltaf eftir því að ég byrji á að sauma sig... Önnur er landslagsmynd og hin er dýramynd. Já ætli ég taki ekki bara saumadótið fram og fari að byrja á þessu.

En hafið það gott elskurnar.

Skjáumstum sæta fólk.

kv Gunna.

Erna klukkaði mig...

Jæja þá var ég klukkuð, og ætla ekki að skorast undan því. Og endilega að kíkja á þetta og ath hvort ég hafi klukkað þig. 

1) Fjögur störf sem ég hef unnið um ævina.

Sláturfélag suðurlands.

Kaffihúsi.

Hóteli.

Sólbaðstofu.

........................................................

2) Fjórar bíómyndir sem ég hef séð.

Úff þær eru margar og erfitt að velja úr.

Pirates Caribbean  1-2 og 3. (allar)

Wild Hogs.

Hitch.

Bandidas.

........................................................

3) Fjórir staðir sem ég hef búið á.

Reykjavík.

Kópavogur.

Seltjarnarnes.

Þorlákshöfn.

........................................................

4) Fjórir sjónvarpsþættir sem mér líkar.

Monk.

Missing.

Grey's Anatomy.

Las vegas.

........................................................

5) Fjórir staðir sem ég hef heimsótt í fríum.

Spánn.

Skotland.

Bretland.

Færeyjar.

.........................................................

6) Fjórar síður sem ég skoða daglega fyrir utan blogg.

Visir.is.

Barnaland.is.

Kattholt.is.

Skógarkettir.is.

........................................................

7) Fernt sem ég held uppá matark.

Lambahryggur.

Ýsa.

Ítalski pottrétturinn MINN.

Kínamatur.

.........................................................

8) Fjórar bækur sem ég hef lesið oftar en einu sinni.

Ég les bækur bara einu sinni.

Eldraunin.

Seld.

Ein til frásagnar.

Í örlagafjötrum.

.......................................................

9) Fjórir bloggarar sem ég klukka.

Binna.

Guðrún (krútta)

eyjapeyji.

gurríhar.

.....................................................

Jæja þá vitið þið það kæru vinir....allavega svona smá um mig.....

Skjáumstum sæta fólk og hafið það gott.

Munið að kommenta.

kv Gunna.

Við konur ættum að vera ógó.....;)

 

Við konur ættum að vera ógó ánægðar yfir þessu...


Konur yfir fertugt - Andy Rooney í 60 mínútum - tær snilld...

Eftir því sem ég eldist, met ég mest konur yfir fertugt og her eru nokkrar

ástæður fyrir því:

Kona yfir fertugt mun ekki vekja þig um miðja nótt og spyrja þig "hvað ertu

að hugsa?"

Henni gæti ekki verið meira sama.

Ef kona yfir fertugt vill ekki horfa á leikinn með þér vælir hún ekki yfir

því.

Hún gerir eitthvað sem hana langar til og yfirleitt er það áhugaverðara en

leikurinn.

Konur yfir 40 eru virðulegar í framkomu. Þær fara sjaldan í öskurkeppni við

þig í óperunni eða á fínum veitingastað.

Nema þú eigir það skilið, þá hika þær ekki við að skjóta þig ef þær halda að

þær komist upp með það.

Eldri konur eru örlátar á hrós, oft óverðskuldað. Þær vita hvað það er að

vera ekki metin að verðleikum.

Konur verða skyggnar með aldrinum. Þú þarft aldrei að viðurkenna misbresti

þína fyrir þeim.

Þegar þú getur litið framhjá einni eða tveimur hrukkum er kona yfir 40

langtum kynþokkafyllri en yngri kynsystur hennar.

Eldri konur eru hreinar og beinar. Þær segja þér eins og skot að þú sért

asni ef þú hagar þér sem slíkur.

Þú þarft aldrei að fara í grafgötur með hvar þú hefur þær.

Já, við dásömum konur yfir fertugt af mörgum ástæðum.

Því miður er það ekki gagnkvæmt. Því fyrir hverja glæsilega, smarta og vel

greidda konu yfir fertugt, er sköllóttur,

vambmikill forngripur í gulum buxum gerandi sig að fífli fyrir 22gja ára

gengilbeinu. Konur, ég biðst afsökunar.

Til allra þeirra karla sem segja; "Afhverju að kaupa kúna þegar þú getur

fengið mjólkina frítt?" þá eru hér nýjar upplýsingar:

Nú á tímum eru 80% kvenna á móti giftingum.

Hvers vegna?

Vegna þess að konur gera sér grein fyrir að það borgar sig ekki að kaupa

heilt svín þótt þær langi í smá pylsu!

Andy Rooney

Já hann Andy liggur sko ekki á sínum skoðunum...
Endilega commentið og ekki gleyma að kvitta í gestabókina...
Skjáumst kv Gunna

Smá test upp á grín.....;)

 Hæhæ kæru vinir, hvað syngur í ykkur í dag???

Hér er smá grín-test og mitt hljóðar svona: Ég hló að húsinu þínu að því að mamma sagði mér að gera það.. haahhahaha..

**************************

  

Veldu mánuðinn sem þú fæddist:
Janúar-----------------Ég drap
Febrúar--------------- Ég sló
Mars------------------- Ég svaf hjá
Apríl------------------- Ég horfði á
Maí- -------------------Ég fróaði mér með
Júní- ------------------Ég slefaði á
Julí---------------------Ég hló að
Ágúst- ----------------Ég stakk
September- ---------Ég skaut
Október- -------------Ég naut ásta með
Nóvember- ----------Ég handtók
Desember- ----------Ég kúkaði á

**************************

  

Veldu núna afmælisdaginn þinn:
1. Gleðikonu
2. Kærasta/una þína
3. Konu með brókarsótt
4. Kynæsandi Dverg
5. Jólasvein
6. Playboykanínu
7. Gifta/ri móðir
8. Kennara
9. Mömmu þína/þinni
10. Páskahérann
11. Köttinn
12. Djöflinum
13. Asíksum skiftinema
14. Jónsa í svörtum fötum
15. Stein
16. DVD spilara
17. Klámstjörnu
18. Síma
19. Tölvu
20. Húsið þitt
21. Svín
22. Lampa
23. Kengúru
24. Davíð Oddson
25. 50 cent
26. Kynskifting
27. Yddara
28. Skólaumsókn
29. Birgittu Haukdal
30. Tappatogara
31. Prentara

**************************

Veldu Þriðja stafinn í eftirnafninu þínu
A--- Afþví að ég elska súkkulaði
B- --Afví að mér leiddist
C- --Afþví að buxurnar mínar voru of þröngar
D- --Af því að ég þarf alltaf að prumpa
E- --Af því að hjartað mitt er tvem nr of lítið
F- --Af því að ég fékk engar gjafir um jólin
G- --Af því mér finnst egg góð
H- --Af því að ég er á sýru
I- --Af því ég misteig mig
J- --Af því ég er með vörtu
K- --Af því mér líkar Cheer
L- --Af því að ég var skökk/skakkur
M- -Af því ég var full/ur
N- --Af því að mamma sagði mér að gera það
O- --Af því ég er hýr
P- --Af Því ég er einmanna
Q-   Af Því mamma og pabbi eru alltaf að rífast
R- --Af því að ég er gröð/graður
S- --Af Því mig langar að deyja
T- --Af Því ég hata skóla
U- --Af Því ég þarf að fróa mér
V- --Af því að ég elska náttfata party
W- -Af því að það róar mig
X- --Af því að ég elska marmelaði
Y- --Af því að ég elska prump
Ö- --Af Því ég er að safna rassahárum
**************************

Mátti til með að koma með þetta hingað, bara svona upp á grín...;D og hafa gaman af.

Vona að ég hafi fengið ykkur eða einhvern til að brosa.

Skjáumstum sæta fólk.

Og endilega takið þátt í þessu.

Kv. Gunna.