Allt komið í ró.....;D

Hæhæ kæru vinir.
Það er allt komið í ró hér á heimilinu Perla er hætt að breima og aftur orðið svefnsamt.
En það verður kannski fjör í kvöld þar sem við erum að fara og skoða einn lítinn 8 vikna loðbolta sem er frekar loðin kettlingur og jafnvel að ættleiða ef okkur líst vel á hann. Ég er búin að sjá mynd af honum en hún var að vísu ekki nógu góð en það kemur í ljós þegar ég sé hann.
Ég vona að samkomulagið verði gott á milli þeirra allra annars er ég orðin vön og ætti að kunna á þetta, svo verður að fylgjast vel með þeim svona til að byrja með og stilla til friðar ef svo ber undir. En það er til efni sem er í þannig íláti og er stungið í samband og það gefur frá sér sömu lykt og kemur af köttum og er notað til að sameina ketti en bara kettirnir finna hana en ekki við mannfólkið. Ég fékk mér þetta einmitt þegar hann Tígull prins kom aftur til mín og þetta virkar skal ég segja ykkur, það gerði það allavega á milli þeirra Perlu.

Jæja ég verð að fara að haska mér klukkan er orðin það margt og á að skoða litla loðboltan upp úr kl 5, og ég er búin að vera lengi að koma þessarri stuttu færslu á prent vegna truflana frá símanum.
Bið að heilsa ykkur í bili.

Skjáumstum sæta fólk og munið að kommenta.
kv Gunna.

Úff...HJÁLP...

SOS...vantar flottann og loðinn fjórfættann fresskött...

Perla prinsessa.


Ég segi bara svona. En það er ástand hér á bæ hún Perla prinsessa er þessa dagana að breima og það er leiðingjarnt og þreytandi til lengdar að hlusta á það væl.  Þetta byrjaði í fyrri nótt. Það var lítið sem engin svefn-friður í nótt þannig að ég er frekar framlág í dag.  Ég get kennt sjálfri mér um þetta því ég gleymdi að gefa henni pilluna, en ég hringdi  í dýra og til að stoppa þetta að þá gef ég henni pilluna á hverjum degi í 4 - 5 daga. En það var ekki ástæðan fyrir að ég hringdi í dýra nei nei hún er nefnilega með svo hrikalegan mikin niðurgang að mér stendur bara ekki á sama.  Það getur fylgt þessu breimastandi en þarf samt ekki að vera. Og þar sem hún er svo loðin að þá vill horbjóðurinn klínast og festast í hárunum og ég hef ekki undan að þrífa á henni aftur-endann. Ég ætla hreinlega að setja hana í bað á morgun hún fílar það alveg í tættlur.
En svo hann Tígull prins steingeldur fressinn á heimilinu hann er búin að reyna að hjálpa henni þegar hún gólar sem hæst, en hann er steingeldur og getur auðvitað ekkert greyið og ber sig ekki alveg rétt að þessu, en hann reynir þó. Og það er bara fyndið að horfa á þá athöfn, hann situr ofan á bakinu á henni og er að reyna eitthvað þar. Eins og hún sé einhver hestur..  Sjáið þið þetta ekki fyrir ykkur??? Svo vill hún að við strjúkum kviðinn og nudda sig við rófuna. Svo heldur hún utan um lappirnar á manni og nuddar hausnum við leggina. Litla skinnið ég vorkenni henni voða mikið  hún á svo mikið bágt litla dúllan.
En ég vona að þetta ástand hætti í vikunni með hjálp pillunnar.

Jæja ætli það sé ekki komið nóg af bulli í bili.

Skjáumstum sæta fólk.
Munið að kommenta.
Góða helgi esssgurnar.
kv Gunna.

Ég er á lífi....;)

Loksins heyrist eitthvað frá mér eða þannig..ég er sko ekki að standa mig í blogginu..og bara skamm ég.

Ég er bara búin að vera í einhverri lægð en þó hress og kát að venju, en ekki nennt að blogga neitt. Er reyndar búin að vera frekar lítið í tölvunni undan farið.

En það er allt gott af mér að frétta, minn maður er í landi núna og er í 12 daga fríi. Hann var á sjónum á sjálfan bóndadaginn og ég gat því ekki haldið neina veislu fyrir hann. Svo liggur sú spurning í loftinu að fara í fjöruna (Fjörukrána) um helgina og blóta þorra með vinafólki og hafa gaman. Ég er að vísu ekki fyrir þorramatinn en þeir eru með margt annað í boði líka. Það er búið að reyna að troða þessu súrmeti og því ofan í mig frá því ég var á barns-aldri en ekki tekist. En sem betur fer eru þeir með margt annað gott og ég treð því ofan í mig án kúgunar....þið skiljið hvað ég meina... Nú og svo verða paparnir að spila, ekki dónalegt það. Sem sagt það verður æðislega gaman enda ekki annað hægt.

En með þessu stutta bloggi mínu er ég að láta vita af mér í leiðinni, að ég er ennþá á lífi.

Skjáumstum sæta fólk.

Munið að kommenta.

kv Gunna.

Eitt og annað....;)

Kæru vinir.
Loksins sest ég hér niður og hamra eitthvað á lyklaborðið.
Enda komin tími til þar sem bloggfærslan á undan var farin að lykta af elli.

Veit svo sem ekkert hvað ég á að rita hér, en ég er búin að vera frekar löt. En ég skrapp að vísu í bæinn um daginn og keypti mér eldhúsgardínur ætlaði líka að kaupa stofugardínur en fann engar í RL búðinni. Vildi fá nefnilega svipaðar og ég á sem ég ætla að setja í stofuna. Stofan er svo stór enda skiptist hún í stofu og borðstofu en samt alveg opin, ætla að setja þessar gardínur sem ég á í stofuna en þá vantar mig svipaðar í borðstofuna. Það er spurning að kíkja í Ikea, fer í það kannski á morgun. Ég er ekkert hrifin af gardínunum sem eru uppi núna enda ekki minn stíll og ég á ekkert í þeim, tengdó skildi þær eftir þegar hún flutti.

Kallinn minn kom í eins dags stopp snemma í morgun og kom við í bakaríi á leiðinni heim og keypti ýmislegt gott og áður en hann vakti mig fallega og blíðlega að þá var hann búin að laga kaffi. Ilmurinn rak mig frammúr og þá var hann búin að skenka mér kaffi í bolla og alles. Brauðið sem hann keypti með öllu gúmmelaðinu á var æðislega gott mmm....nammi, ég á eftir að fara í bakaríið og fá mér þetta aftur, en það versta við það er að það er svo langt að labba þangað, en ég læt mig hafa það.

Ég fékk loksins bókina South Beach mataræðið í dag sem ég pantaði á netinu og sagði ykkur frá í síðasta bloggi og þetta er heljarinnar lesning skal ég segja ykkur. Það er talað um gott kolvetni og slæmt kolvetni, og góða fitu og slæma fitu og margt fleirra. Ég gluggaði snökkt í gegnum hana og það er margt sem kemur mér á óvart. Ég kannski upplýsi ykkur með eitthvað þegar ég er búin að glugga í hana betur.

Jæja ætli ég láti þetta bull mitt ekki duga í bili. Með þessu bloggi var ég bara að láta vita af mér, að ég er ennþá á lífi.

Skjáumstum sæta fólk.
Og kommenta svo.
Kv. Gunna.

Fyrsta bloggfærslan á árinu 2009...;)

Kæru vinir.
Ég vona að þið hafið haft það gott yfir jól og áramót eins og ég. Já ég hafði það má segja einum of gott, ég er búin að éta mig út úr skápnum ég bara hreinlega passa ekki inní hann lengur. Þannig að það er bara tvennt sem hægt er að gera í stöðunni og það er að taka sig á í mataræðinu og hreyfa sig meira en ég geri eða að endunýja allt. Ég held að ég velji fyrri kostinn, hann er líka ódýrari.
Ég pantaði á netinu bókina sem heitir South Beach mataræðið og fæ hana eftir nokkra daga. Þessi bók hefur hjálpað mörgum. Ég vil ekki meina að ég sé akfeit..nei nei ég er í kjörþyngd en er ekki sátt við keppina sem eru komnir og svo hef ég alltaf verið léttari svona ca 50 - 52 kg og þar er ég sátt við sjálfa mig. Ég er núna 57 kg. Ég ætti nú að fara létt með það að taka þetta af mér.
En ég byrja á þessu á miðvikudaginn því annað kvöld á þrettándanum að þá kemur sonur minn og tengdadóttir í mat og ætla ég að vera með lambalæri, og ég læt þau taka með sér heim það sem eftir verður svo ég sé ekki að freistast í það.
Svo þegar allir keppir eru farnir að þá get ég kannski sagt HAHAHAHA.....

Eníhú... þegar að ég var að horfa á fréttirnar á laugardagskvöldið og var verið að tala um mótmælin á austurvelli þann daginn að þá sá ég litlu frænku mína halda ræðu..já það var þessi litla 8 ára hnáta. Ég rak upp stór augu og bara HAAAA??? er Dagný Dimmblá að halda ræðu??? Mér fannst hún bara nokkuð góð og ég er stolt af litlu frænku. Hún á kannski eftir að láta heyra í sér meir og í framtíðinni. Það er aldrei að vita.

En kæru vinir ætli ég láti þetta pár mitt ekki duga í bili eða þar til næst.
Ég verð vonandi betri, skemmtilegri og virkari bloggar þetta árið, þið bara látið mig vita ef ég er ekki að standa mig í þeim efnum.

Skjáumstum sæta fólk og hafið það gott.

kv Gunna.

Áramótakveðja....;)

Hæhæ kæru vinir, bloggvinir og aðrir sem kíkja hér inn á síðuna.
Ég ákvað að setjast í ritstólinn og henda hér inn einhverjum línum núna, þar sem ég hef engan tíma í það á morgun.

Ég fékk tuskutremma og þrifnaðaræðiskast í dag þar sem ég ætlaði ekkert að gera á morgun nema að búa til sallöt með snakkinu og henda í eina brauðtertu líka til að narta í um kvöldið og dúlla með sjálfa mig og horfa á Kryddsíld á stöð2. Jú ætli ég sjóði ekki hangikjötið til að hafa á nýársdag úr því það er til.

Ég var eins og hvítur stormsveipur hérna heima það eina sem ég á eftir að gera er að ryksuga, ég ákvað að gera það ekki fyrr en í fyrramalið, því í kvöld vorum við með svona bíókvöld fyrir krakkana hans kallsins míns með popp og kók og ís og horfðum á DVD myndina Mamma mía og þá er ekkert vit í því að ryksuga fyrir svoleiðis kvöld þar sem poppið vill svo oft rata í sófann og á gólfið.
Þannig að ég verð að vakna snemma og ræsa liðið og henda því í sturtu, nú ef þau vakna ekki þá ræsi ég þau með ryksugulátum ég sagði þeim það og ég lofaði þeim því að ég myndi gera það.

Um leið og Kryddsíldin er búin á stöð2 að þá förum við austur á Stokkseyri í matarboð til tengdó.
Eftir það förum við aftur heim en krakkarnir verða eftir hjá afa og ömmu, þar sem við eigum von á fólki til okkar seinna um kvöldið.
Eftir áramótaskaupið að þá förum við uppá Hamarinn (held að það heiti það) sem er einhvers staðar hér í Hafnarfirði og ætlum að horfa á alla ljósadýrðina, förum svo heim til mín aftur og það er aldrei að vita nema að við förum á röltið á milli húsa og hitta fólkið sem við þekkjum.
Ætli ég láti ekki þetta blogg duga í bili.



Ég óska ykkur öllum Gleðilegs árs og farsældar á nýja árinu, vona að þið eigið góð og ljúf áramót.
Ég þakka öllum vinum og bloggvinum fyrir bloggvináttuna og komment á árinu. Þar sem þetta er síðasta bloggfærslan á árinu að þá segi ég...
Skjáumst á nýja árinu.
Hafið það verulega gott og gangið hægt um gleðinar dyr.
Knús og kossar.

Áramótakveðja. Gunna.

Jólin mín...og fl.....;)

Kæru vinir.
Jæja nú eru jólin að baki og komin smá pása frá stórsteikum og kræsingum. Það eina sem er á borðum núna eru kökur, smákökur og nammi..jú eitthvað af ávöxtum. Það er varla að ég hafi list á þessu seddan er svo mikil eftir allt átið síðustu daga.

Jólin voru alveg yndisleg frá upphafi til enda, við og mín fjölskylda vorum öll hér heima á aðfangadagskvöld og ég var með Hamborgarhrygg með öllu tilheyrandi. Það var sko vel borðað enda voru allir að springa  á eftir. Nú svo eftir allt uppvaskið (uppþvottarvélin sá um megnið af því nema sparistellið) að þá var ráðist á pakkana...hehehe já já eða þannig...þetta voru virkilega fallegar og eigulegar gjafir sem við fengum. Sumt fengum við tvennt af eins og t.d. Mama mía og Brúðguminn, og einn bróðir minn fékk tvö eintök af Ladda 6tugur svo það myndaðist svona skiptimarkaður í nokkrar mínútur  og við skiptum við hann á öðrum Brúðgumanum og Ladda. En ég þarf að skipta á annarri mömmuni, það er nóg að eiga eina mömmu og einn Brúðguma...haahhahaha.. Svo eftir pakkaflóðið að þá var bara slappað af og sjallað og mikið hlegið. Alveg yndislegt kvöld. Nú svo fengu litlu fjórfættlingarnir prinsinn og prinsessan líka pakka og voru mjög ánægð með þá  Tímó prins nuddaði trýninu upp við pakkana eins og þetta væri gæruskinn, bara fyndið að horfa á það uppátæki..hehehe...svo náði hann dótir úr pokanum og fór að leika sér  en það náðist ekki að taka mynd af Perlu prinsessu að leika sér  en sú mynd kemur seinna þegar ég er búin að ná mynd af henni við þá iðju. 

Á jóladag að þá vorum við bara á náttsloppnum fram eftir degi eða þar til að ég fór í kokkastarfið. Við vorum búin að ákveða það að bregða útaf vananum og hafa Lambahrygg á jóladag þar sem við vissum að við myndum fá hangikjöt á annann í jólum. Jújú mín fór að setja hrygginn yfir og búin að kryddann eftir kúnstarinnar reglum og eftir smá tíma fór að finnast ilmandi matarlykt en mér fannst samt eitthvað bogið við þann ilm, svona eins og af reyktu kjöti, en ég hugsaði með mér að það væru kannski einhverjar leyfar af lyktini frá því kvöldið áður. En svo eftir klukkutíma að þá kíki ég á kjötið og mér fannst þetta vera eitthvað svo rautt eitthvað öðruvísi en átti að vera en ég set kjötið aftur í ofninn og var ekkert að spá í þetta. Nú svo kíki ég aftur á kjötið einhverju seinna og þá sé ég að það er BLEIKT og ég bara ..haaa???? fór þá mig að gruna að þetta væri léttreyktur lambahryggur. Minn maður fór í ruslið og náði í umbúðirnar og jú viti menn...þar stóð LÉTTREYKTUR...og ég bara NEiiiiiiii.......og ég er búin að KRYDDANN...AArrrg...svo sprungum við úr hlátri og sögðum...jæja það verður bara að hafa það...hann verður örugglega bara betri..hehehe...og við vorum búin að bjóða frænda hans í mat. Og vorum búin að hlakka svo til að fá FERSKANN lambahrygg. Já það marg borgar sig að LESA SMÁALETRIÐ. Við höfum verið einhvers staðar út á túni þegar við vorum að versla. Það er augljóst. En ég get sagt ykkur það að hryggurinn hann KLÁRAÐIST hann var svo góður...hehehe...Svo eftir að búið vara að ganga frá eftir matinn að þá var bara slappað af. Ég dauð skammast mín að segja frá þessu...en þetta er svo fyndið að það er eiginlega ekki hægt að þegja yfir þessarri sögu.

Á annann í jólum að þá fórum við í tvær veislur, byrjuðum hjá mömmu í hádeginu og fengum hangikjöt og kjúlla með öllu tilheyrandi meðlæti og fl. Vorum öll mætt þar og var æðislegt. Fórum svo kl um 3 til konu hans pabba heitins og fengum meira hangikjöt með öllu tilheyrandi og fl. Já maður var í stöðugu áti í gær, ég sagði við einn bróður minn að ég kæmi hingað pakksödd og færi héðan sprungin. þetta var alveg á við heilann vinnudag má segja frá kl 12 og til kl 8 um kvöldið, 8 klukkutíma át. ÚFF..enda er ég ekkert svöng í dag.
Það er spurning að leggjast í grænmetið næstu daga eða fram að gamlárskvöld þegar næsta stórsteik kemur á borð, og kannski hangikjöt á nýársdag. Og fara svo á melónukúrinn strax 2 janúar  og hreynsa út öll óæskileg efni sem eru búin að safnast hér og þar á líkamanum eftir allt þetta át þannig að maður er orðin afvelta og fer að nálgast það að hræða kettina uppúr hárunum  nei það gengur ekki. Ég ætla að hreyfa mig  meira en ég geri.  Það er allavega ekki hægt að segja að ég hreyfi mig ekkert þar sem ég er ekki á bíl og fer allar mínar ferðir fótgangandi eða með strætó þegar minn maður er út á sjó. Þannig að þetta rennur af mér hægt og rólega eftir áramótin.

En jæja ætli ég láti ekki þessa færslu duga í bili, er búin að vera ansi lengi með hana þar sem rithöfundur var truflaður öðruhvoru á meðan á ritvinnslunni stóð.

Eigið góðan dag og helgi kæru vinir.
Skjáumstum sæta fólk.
Munið að kommenta.
kv Gunna.

P.S. Hún Steinþóra vinkona mín á afmæli í dag

Til hamingju með daginn elsku vinkona, sjáumstum í kvöld mín kæra.

Gleðileg jól.....;)

Vona að þið hafið það sem allra best yfir jólin.
Ég kem svo með blogg fljótlega,
Skjáumstum sæta fólk.
Jólaknús og jólakveðja, Gunna.

Síðustu dagar....;)

Hæhæ kæru vinir.
Loksins kem ég með eitt stk blogg. SAKNAÐIR ÞÚ MÍN EITTHVAÐ????? Nei örugglega ekki það hafa allir nóg að gera þessa dagana og eru ekkert að kíkja hér við, en nóg er af heimsóknunum en lítið um kvitt. Þannig að ég trúi því ekki að það hafi verið mínir bloggvinir, heldur laumu aðdáendurnir mínir...sem þora ekki að kvitta....allavega ekki ennþá.... haahahah..

Eníhú..núna síðustu dagar hafa verið meira en geðveikir..allavega að minni hálfu þó að hinn parturinn af mér hafi verið meira svona í tjilli (hvernig sem þetta er nú skrifað en skilst vonandi samt) hér heima fyrir ( þá er ég að tala um hinn helminginn, þið stelpur vitið hvað ég er að tala um) að þá er ég búin að vera í þvílíku allra handa kasti skal ég segja ykkur. Og það er búið að versla allt. Allar jólagjafir og jólamat. ( kallinn minn duglegur í því dæmi) Ég er nefnilega þannig að ef ég er búin að ákveða eitthvað og ætla mér að vera búin að gera hlutina fyrir vissann tíma eða daga að þá er ég óstöðvandi, ég geng yfirleitt fram af mér og er gjörsamlega búin á öllu en held samt áfram. Eins og sagt er að þá geng ég á þrjóskunni einni saman, þó ég geti varla hlutinn en geri þá samt en svona er ég bara og það ER EKKI hægt að breyta því. Og ef ég næ ekki að klára fyrir þennann tíma sem ég hef sett mér að þá verð ég ferlega pirruð og geðill. En ég næ samt að halda ró minni, hvernig sem ég fer nú að því. Ég læt það aldrei bitna á öðrum og það sér það heldur enginn. Það er bara svona innbyrðis eitthvað. En ég elska  samt minn mann hann er æðislegastur. OG HANN ER BÚIN AÐ PANTA AÐ FÁ AÐ RYKSUGA....hehehehe
Ég var búin að ákveða það að vera búin að öllu fyrir 19 des en náði ekki alveg að klára fyrr en í gær 20 des, jamm einum degi á eftir áætlun. En minn kall hafði áhyggjur að ég væri að ganga fram af mér og sagði mér að slappa af og vera ekki að þessu, jamm honum fannst ég vera að gera óþarfa hluti...hehehe...en ég náði að klára í gær og er bara sátt við það sko. Það eina sem er eftir  er að setja punktinn yfir iið. Ég hef næstu þrjá daga til að klára það dæmi. Það er hvort eð er hlutir sem ég geri alltaf á gamlársdag eða á aðfangadag, það er að renna yfir gólf og mubblur.

 En minn kall er óskaplega duglegur að fara í búðir og versla, honum þykir æðislega gaman að fara með mér í búðir og versla á mig föt. Hann stingur yfirleitt upp á því sjálfur. Það eru EKKI margir karlmenn sem hafa gaman að þessu.

Svo á morgun (sunnudag)  þá fer minn kall ásamt nágrannanum á efri hæðinni að skreita garðinn þó fyrr hefði verið. Það hefur aldrei verið farið svo seint í það verk eins og núna.
Svo þetta verður bara æðislegt hjá okkur hérna í firðinum.
Börnin hans eru hérna hjá okkur núna yfir helgina en þau fara á mánudaginn aftur norður, og hann fer með þeim og kemur aftur um kvöldið. Vonandi að það verði flogið.

Jæja ætli það sé ekki best að hætta þessu pári mínu og fara að sofa í hausinn á mér. Enda orðin meira en syfjuð og er dauuuuuð þreytt og veit ekkert  um hvað ég er að skrifa lengur.
Skjáumstum sæta fólk.
Munið að kommenta.
Kv Gunna. 

Smá lestur fyrir öll þessi jólaglögg!!!!

Hæhæ mínir vinir. Ég ætla að setja þessa sögu hér inn, ég bloggaði þessa sömu sögu fyrir jólin í fyrra en á annarri bloggsíðu. Þessi saga fær mann til að hugsa, og eins og sagt er að aldrei er góð saga of oft sögð.

Hér kemur sagan.

Síðasta dag fyrir jól flýtti ég mér í stórmarkaðinn til að kaupa gjafirnar sem ég komst ekki yfir að kaupa fyrr.

Þegar ég sá allt fólkið þar, byrjaði ég að kvarta í hljóði "þetta á eftir að taka heila eilífð og ég á enn eftir að fara á svo marga staði".

Jólin eru alltaf að verða meira og meira pirrandi með hverju árinu. Ég vildi að ég gæti bara lagst niður og farið að sofa og vaknað svo eftir jólin.

Allavega, ég kom mér í leikfangadeildina og þar fór ég að skoða verðin, hugsandi hvort að börn leiki sér eitthvað með svona dýr leikföng. Eftir smá tíma af leikfangaskoði þá tók ég eftir litlum strák um 5 ára, sem hélt á dúkku upp við brjóstið sitt.
Hann strauk hárið á dúkkunni og virtist svo sorgmæddur. Svo snéri litli strákurinn sér að eldri konu sem var við hliðina á honum "amma, ertu viss um að ég hafi ekki nógu mikla peninga?" Gamla konan svaraði " þú veist að þú átt ekki nóg til að kaupa dúkkuna elskan mín" Svo bað hún hann um að bíða í 5 mínútur eftir sér á meðan hún skoðaði sig um. Hún fór fljótlega.

Litli strákurinn hélt ennþá á dúkkunni í hendinni. Ég labbaði til hans og spurði hann hverjum hann ætlaði að gefa dúkkuna. " þetta er dúkkan sem systir mín elskaði mest og langaði svo mikið í fyrir jólin." Hún var svo viss um að jólasveinninn myndi gefa sér hana.

Ég sagí honum að kannski eigi jólasveinninn eftir að koma með dúkkuna til hennar, og að hann þyrfti ekki að hafa áhyggjur. En hann sagði við mig sorgmæddur "Nei jólasveinninn getur ekki gefið henni dúkkuna þar sem hún er núna. Ég verð að gefa mömmu dúkkuna svo hún geti gefið henni hana þegar hún fer þangað" Augun hans voru svo sorgmædd meðan hann sagði þetta.

"Systir mín er farin til þess að vera með Guð. Pabbi segir að mamma sé líka að fara til Guðs mjög fljótlega, og ég hélt að hún gæti farið með dúkkuna fyrir mig og gefið systur minni hana."

Hjarta mitt stoppaði næstum því. Litli strákurinn leit upp til mín og sagði " ég sagði pabba að segja mömmu að fara ekki alveg strax. Ég bað hann um að bíða þangað til ég kæmi heim úr búðinni" Svo sýndi hann mér fallega mynd af honum þar sem hann var hlægjandi. " Ég vil líka að mamma taki þessa mynd með sér svo hún gleymi mér aldrei."

" Ég elska mömmu mína og vildi óska að hún þyrfti ekki að fara, en pabbi segir að hún verði að fara til að vera hjá litlu systur minni."
Svo leit hann aftur á dúkkuna með sorgmæddum augum, mjög hljóðlátur. Ég teigði mig hljóðlega í veskið mitt og tók smá pening upp og sagði við strákinn " en ef við athugum aftur í vasan til að tékka hvort að þú eigir nógan pening? " Allt í lagi sagði strákurinn."

Ég bætti smá af mínum peningum við án þess að hann tæki eftir því og við byrjuðum að telja. Það var nógur peningur fyrir dúkkunni, og meira að segja smá afgangur.
Litli strákurinn sagði "Takk Guð fyrir að gefa mér nógan pening. Svo leit hann á mig og sagði ´" Í gær áður en ég fór að sofa þá bað ég Guð um að vera viss að ég hafi nógan pening til þess að geta keypt dúkkuna handa systur minni. Hann heyrði til mín.

"Mig langaði líka að eiga nógan pening til að kaupa hvíta rós handa mömmu, en ég þorði ekki að biðja Guð um of mikið, en hann gaf mér nóg til að kaupa rósina líka." Sko mamma elskar hvíta rós."

Nokkrum mínútum seinna kom gamla konan og sótti strákinn. Ég kláraði að versla með allt öðru hugarfari ég gat ekki hætt að hugsa um litla strákinn.
Svo mundi ég eftir frétt í blaðinu fyrir 2 dögum síðan "maður keyrði drukkinn og klessti á bíl þar sem ung kona og lítil stelpa voru í. Litla stelpan dó samstundis en mamman var í dái" Fjölskyldan varð að ákveða hvort það ætti að setja hana í öndunarvél eða ekki, af því að unga konan myndi ekki vakna úr dáinu.

Var þetta fjölskylda litla stráksins?

Tveimur dögum eftir að ég hitti litla strákinn, las ég í blaðinu að unga konan hafi dáið. Ég gat ekki hamið mig og fór út í blómabúð og keypti búnt af hvítum rósum og fór upp í líkhús þar sem fólk gat séð konuna og óskað sér í seinasta skipti áður en hún væri jörðuð.
Hún var þarna í kjól, haldandi á fallegri hvítri rós með myndina af litla stráknum og dúkkuna á brjóstinu.

Ég fór grátandi og fannst líf mitt hafa breyst til eilífðar. Ástin sem þessi litli strákur hafði til mömmu sinnar og systur, er enn þann daga í dag, erfitt að ímynda sér. Og í einni svipan tekur drukkinn maður þetta allt frá honum.

Núna hefur þú 2 kosti:

1) Sendu þessi skilaboð til allra sem þú þekkir.
2) Eða hentu þessu og láttu sem þetta hafi ekki snert hjarta þitt.

Ef þú sendir þessi skilaboð, þá kannski hindrar þú einhvern til þess að keyra drukkinn.


Ég mátti til með að koma með þetta þar sem er mikið um jólahlaðborð og jólaglögg um þetta leiti. Allir svo glaðir og kátir, en svo eru til dæmi þar sem það er stigið upp í bíl og keyrt af stað og sá eða sú er búin að fá sér BARA eitt glas, en það er einu glasi of mikið.

Ég er búin að ákveða það að koma með þessa sögu fyrir hver jól á meðan bloggsíður mínar lifa.
 
Læt þetta gott heita í bili, bið að heilsa ykkur, kv Gunna