Á þetta við þig....;)

Kannist þið við þetta ástand?

Ég var nýlega greind með ASS (aldurstengd skerðing á skammtímaminni). Einkennin eru eftirfarandi:

Í gær ákvað ég að drífa mig í að þvo bílinn. Þegar ég var á leið út í bílskúr, sá ég að pósturinn lá í forstofuganginum. Best að skoða póstinn áður en ég þvæ bílinn, segi ég við sjálfa mig. Ég legg bíllyklana á hilluna í ganginum og geng fram í eldhús. Ég flokka póstinn, kasta auglýsingabæklingunum dagblaðakörfuna og sé þá að hún er orðin yfirfull. Því legg ég reikningana og eitt bréf sem inniheldur könnun með svarblaði á eldhúsborðið og ákveð að rölta með blöðin út í gám. Þar sem ég geng hvort eð er framhjá póstkassa um leið og ég fer með blöðin í pappírsgáminn, ákveð ég að taka með mér svarblaðið frá könnuninni og skella því í póstkassann í leiðinni. En fyrst þarf ég penna til að fylla út svarblaðið.

Pennarnir eru í skrifborðinu í vinnuherberginu, svo ég fer þangað inn og finn flösku með ávaxtasafa á skrifborðinu. Ég ákveð að setja flöskuna með ávaxtasafanum til hliðar svo ég reki mig ekki í hana og helli niður við leitina að pennanum. Þegar ég tek flöskuna upp finn ég að ávaxtasafinn er volgur. Hann þarf að fara í ísskáp svo hann skemmist ekki, hugsa ég. Á leiðinni inn í eldhús með ávaxtasafann sé ég blómavasa sem stendur á símaborðinu.

Ég sé að ekkert vatn er eftir í vasanum og að blómin eru farin að visna svo ég set ávaxtasafann frá mér á borðið til að taka upp vasann. Þá kem ég auga á lesgleraugun mín sem ég hafði leitað að allan morguninn. Það er best að ég leggi þau á skrifborðið þar sem ég finn þau aftur hugsa ég, en fyrst ætla ég að gefa blómunum vatn. Ég legg því frá mér gleraugun í gluggan við vaskinn og set vatn í vatnskönnu.

Þá sé ég allt í einu fjarstýringuna fyrir sjónvarpið. Einhver hafði lagt hana frá sér á boðið við vaskinn. Hmm, þegar við ætlum að horfa á sjónvarpið í kvöld eigum við eftir að leita að fjarstýringunni og engin man eftir því að hún liggur á borðinu við vaskinn, hugsaði ég. Ég ætti að leggja hana við sjónvarpssóffann þar sem hún á að vera, en fyrst ætla ég að vökva blómin.

Þegar ég helli vatninu í blómavasann, tekst ekki til betur en svo að mestur hluti þess lendir á borðinu og rennur þaðan niður á gólf. Ég legg fjarstýringuna frá mér upp í hillu fyrir ofan símaborðið og sæki tusku til að þurka upp vatnið. Síðan geng ég aftur út í forstofuganginn til að reyna að muna hvað ég hafði upphaflega ætlað mér að gera.

Alla vega var bíllinn enn óþrifinn um kvöldið, það var ekki búið að fara með svarið við skoðanakönnuninni í póst, það stóð flaska með volgum ávaxtasafa á símaborðinu, blómin voru dáin, ég hafði týnt fjarstýringuna fyrir sjónvarpið, ég fann ekki gleraugun mín og hafði ekki hugmynd um hvar ég lagði frá mér bíllyklana.

Í dag hef brotið heilann um af hverju ég kom engu í framkvæmd í gær. Mér finnst það með ólíkindum, því ég veit að ég var að allan daginn og var gjörsamlega úrvinda. Ég geri mér grein fyrir að ég glími alvarlegt vandamál og að ég verð að leita mér aðstoðar, en fyrst ætla ég að skoða tölvupóstinn minn.

Getur þú verið svo elskuleg/elskulegur að gera mér greiða? Sendu þetta bréf til allra sem þú heldur að hafi gaman að því, því ég man ekki hverjum ég er þegar búin að senda það.

Kv.Gunna.

Athugasemdir

[Erna, 14.6.2008 kl. 22:48]

Þá er komin skýring á þessu hjá mér  ég er komin með ASS. Ég mæti ekki í vinnuna á morgun ég tilkynni mig veika  Er til einhver lækning við þessu? Er þetta smitandi?  ,,,,,Góða nótt vinkona

[Aprílrós, 16.6.2008 kl. 18:10]

Já þá veit ég hvað er að mér hehe.

Kveðja Guðrún Ing