Hvernig var...???

Hæhæ kæru vinir...
Hvað segist svo í dag??? Hvernig var helgin hjá ykkur???

Hjá mér var hún bara róleg, gerði ekkert skemmtilegt..þannig lagað séð.
En svo í gær (sunnudag) að þá var ég að hjálpa múttu minni að flytja..frá himnaríki og niður.. já hún var að skipta um íbúð við konu sem var á 1 hæð en mútta var á 5 hæð. Þetta var doltið púsluspil þar sem önnur þeirra varð að setja sína búslóð fram á gang..og mútta reið á vaðið með það og fylltum AÐEINS 3 ganga..heheeh..en það var í lagi.
Og svo byrjaði hamagangurinn að flytja á milli hæða..það var hersingi af fólki til þess. Bjuggumst við endalausum árekstrum en nei þetta gekk eins og smurt, þannig að púsluspilið gekk upp án vandræða. Þau sem voru að flytja dót upp tóku með sér dót niður og svo öfugt.
Byrjuðum á þessu um kl 13.30 og það var allt búið um kl 15.00. Og samt var bara ein stór lyfta sem hægt var að nota þar sem hin er svo lítil að hún rétt rúmar 4 grannar manneskjur.

Já talandi um lyftur..að þá er ég ekki vel við þær eftir að ég festist í lyftu fyrir örfáum árum, býð ekki nokkurri manneskju í það dæmi get ég sagt ykkur. Ég er með svo mikla innilokunarkennd að það hálfa væri nóg af helming.
En ég komst alltaf upp og niður þegar ég heimsótti múttu, en svo í gær að þá vorum við búin með allt uppi og fórum niður með rest að þá fór ég í lyftunni niður en ég var ekki ein nei Maggi vinur minn var líka. Okei ég ýtti á takka 1 en nei hún þaut upp og ALLA leið upp á 11 hæð takk fyrir og ég bara OMG neiiii..ekki gera mér þetta. En það kom engin inn á þeirri hæð. Jæja svo fór hún niður eeeeeeen hún stoooooppar á milli 8 og 9 hæð og ég panikaðist og var að því komin að fá taugakast en Maggi reyndi að róa mig niður, svo fór lyftan af stað og´þegar við vorum komin niður ég flýtti mér svo út úr lyftunni og var skjálfandi og nötrandi, var í bullandi sjokki bara. Ég hélt á dóti og það glammraði í höndunum á mér. Já lyftan kvaddi mig með glæs...
En það var svo sem ekkert skrítið að lyftan væri svona rugluð orðin þar sem búið var að nota hana svo mikið, hún var stanslaust í gangi með þungt dót, og þetta eru eldgamlar lyftur. Þær þola ekki svona rosalega mikið álag þær bara ruglast vegna elli..hehehe..  En ég er óskaplega fegin að mútta er komin á fyrstu hæð. Ekkert lyftuvandamál..
En áður en ég fór í lyftuna að þá sagði ég einmitt við múttu að ég ætlaði að labba niður, ég væri ekki alveg að treysta þeim í dag, ég hefði bara átt að gera það. En svona er þetta þegar maður fer ekki eftir sínu hugboði... Og svo sagði Eiki bró að lyftan hafi stoppað þegar þeir voru að flytja dótið niður og hún væri að fara upp án þess að nokkur hafi pantað hana. Og fór alltaf upp á 11 og 12 hæð. Ég segi bara enn og aftur....hún ÞOLDI ekki ÁLAGIРog RUGLAÐIST vegna ELLI...blessunin..

Jæja ætli þetta sé ekki orðið gott í bili, búin að fá útrás vegna lyftufjandanns..
Blogga kannski aftur í dag eða í kvöld, já eða bæði bara..hehe..
Skjáumstum sæta fólk.
kv Gunna.

Athugasemdir

[Aprílrós, 30.6.2008 kl. 16:51]

jahérna hér segi ég nú bara. En það er gott að sú gamla sé komin á 1 hæðina.

Kveðja Guðrún Ing